Nakaka-addict.
Nakaka-excite.
Nakaka-gulat.
Nakaka-pagod.
Para kang dinadala sa kung saan-saan. Nakakatuwa. Minsan, nakakadismaya.
Sa pagpaspas nito, winawala ka. winawala ka sa oras. sa araw. sa panahon.
Minsan titigil. pero hindi para ka makapagpahinga. titigil ito dahil gusto niya. parang biglang-break ng jeep sa kahabaan ng EDSA.
Kailangan nakakapit ng mahigpit. Alerto sa paghinto. Kung hindi, titilapon ka. Para kang itutulak palayo. Itatapon ka sa kawalan. Kailangan kumapit bilang tanda na kahit pinapaspasan ka ng mundo, hindi ka nakakalimot sa sarili, sa pamilya, at sa mga taong nakapalibot.
Sa sobrang bilis, pati paghinga, baka makalimot ka.
Paano na kung biglang bumagal o mas malala, huminto..? Parang aircon na biglang pinatay... Parang saksakan na biniglang hugutin...
Paano na?
No comments:
Post a Comment