Pen Pal: Day 17

Nagiging routine na. Medyo nagiging iba na yung pakiramdam ko. Sinasalba na lang ito ng mga kasamahan ko. I thank them na nagiging ka-shift ko kasi kung hindi sila ang ka-shift ko with the kind of routine i do, baka maging robot ako.

Kapag nasa ganitong klanseng trabaho pala, nagiging alipin ka ng oras. wala kang laban.

Sa industryang pinasok ko, hindi ko holiday ang holiday mo. may memo nang binigay ang HR sa mga supervisor ng operations at front-of-the-house departments. Sa mga casual at regular employee, double pay sila pag pumasok ng holiday. Sa aming mga trainee, may plus one point sa rating per holiday na pumasok kami. Wow naman. How thoughtful.

I understand na pinaparamdam sa amin ang uri ng trabaho na pwede namin pasukin after graduation. pero siguro naman may manipis na linya pa rin na naghihiwalay sa trainee at sa employee. pero tulad nga ng sabi ng iba, "Ganyan talaga ang buhay."

May bumubulong sakin. ang sabi niya "aanhin ko ang plus points? Pwede bang maideposit yan sa ATM account ko?"

Pagpalain sana lahat ng pagod sa Makati, Ortigas, at Maynila ngayong holy week.