Pusta

Maraming pwede pagpilian,
Nasa sa iyo kung hanggang ilan.
Matibay ba ang sikmura at laman?
Dahil sa una ito'y aliw at nakakadarang.

Isiping mabuti kung ano ang pinapasok,
Matuto sa lahat ng naging mga pagsubok.
Kung handa na ang sarili sa ganitong karera,
Mag-inat-inat na at maghanda.

Ipunin lahat ng lakas at tikas,
Talino mong pambihira, at mahabang pasensya.
Ayos kung swerte ay marami ka,
Baka sakaling tumama ka.

Magdasal ka na ng malakas,
Galingan mo rin sa pag-iwas.
Akala mo ay abot-kamay mo na,
Yun pala'y yari ka sa maling akala.

Kutob mo'y minsang guguluhin ka,
Dahil gusto mo'y dapat sundin ka.
Kung tama ang iyong hinala,
Kaya mo bang harapin ng una mukha?

Kung oo, sana ay ikaw ay magtagumpay,
Namnamin ang bawat patak at maglaway.
Kung hindi, ilabas ang armas kung kailangan,
Dahil kung wala kang laban, pupulutin ka sa kangkungan.